Shembet lokali i Mihal Kokëdhimës, në Porto Palermo.
Mëngjesin e sotëm fadroma të IKMT kanë ndërhyrë për shembjen e godinës, së ngritur paleje prej vitit 2014.
IKMT bën me dije se “objekti rreth 2 mijë metër katror, i ndërtuar në një nga zonat më të bukura bregdetare të Shqipërisë, rezulton pa leje, ndërkohë që shfrytëzonte kundrejt pagesës edhe pjesën e plazhit”.
IKMT nuk ka hasur në kundërshtime të qytetarëve.
“Çdo veprim i saj ka qenë i koordinuar ngushtësisht me policinë e shtetit. Menjëherë pas përfundimit të këtij operacioni, IKMT do të vijojë punën në gjithë vijën bregdetare te vendit”, njofton IKMT.
Mihal Kokëdhima tërhoqi vëmendjen mediatike në Shqipëri dhe Spanjë, pas incidentit që pati me një grup turistësh spanjollë. Aktualisht Kokëdhima ndodhet i arrestuar me masë sigurie arrest me burg dhënë nga gjykata lidhur me incidentin që pati me turistët.
