Një 46-vjeçar në Mallakastër është mbyllur në banesë mbrëmjen e së hënës dhe i ka vënë flakën. U desh ndërhyrja e zjarrëfikësve për të nxjerrë nga banesa burrin, i cili dyshohet se e ka kryer aktin në gjendje të rënduar psikologjike.
I lënduari u transportua në spital dhe ndodhet në jashtë rrezikut për jetën.
“Rreth orës 22:00, në fshatin Visokë, shtetasi A.C, 46 vjeç, dyshohet se në gjendje të rënduar psikologjike i ka vënë zjarrin banesës dhe është mbyllur brënda në banesë.
Shërbimet e policisë dhe zjarrfikësja kanë shkuar menjëherë në vendngjarje dhe në një shkallë të lartë vështirësie bënë të mundur nxjerjen nga banesa të shtetasit A.C dhe i kanë dhënë ndihmën e parë pasi ishte asfiksuar.
Aktualisht 46 vjeçari ndodhet në gjendje të mirë shëndetësore në Spitalin e Ballshit.
Shërbimet zjarrfikëse kanë bërë të mundur fikjen e zjarrit në banesë.
Grupi hetimor vijon veprimet për sqarimin e rrethanave të ngjarjes”, thuhet në njoftimin paraprak të policisë.