Greta Bardeli, kryetarja e Këshillit të Qarkut Shkodër, ka mundur të hyjë në ambientet e Bibliotekës së Universitetit në Shkodër, ku po zhvillohet mbledhja e Këshillit Bashkiak dhe të kundërshtojë konstituimin.
Bardeli është ngritur në këmbë dhe duke iu drejtuar të pranishmëve është shprehur se kjo nuk është demokraci.
“Na keni shtypur për 75 vite. Kjo nuk është demokraci!”, ka deklaruar Bardeli.
Përpara se të braktiste kētë mbledhje që cilësohet ilegjitime, Bardeli deklaroi se anëtarët e të ashtuquajturit Këshill po konsumojnë disa vepra penale, pasi po tentojnë të ngrejnë institucionet pa zgjedhje dhe në kundërshtim me dekretin e Presidentit të Republikës.
Ajo deklaroi se të gjithë ata që e kanë arkitektuar mbledhjen-farsë të ditës së sotme shumë shpejt do të mbajnë përgjegjësi ligjore dhe penale.