Kryebashkiaku, Erion Veliaj, i ka drejtuar një thirrje të çuditshme qytetarëve lidhur me rinovimin e kartave ID dhe pasaportave biometrike.
Veliaj ka ftuar qytetarët që të nxjerrin jashtë përdorimit, para aftit kartat ID dhe pasaportat, dhe të shfrytëzojnë hapësirën për të marrë dokumentet e reja.
“Mbarova punë në 2 minuta dhe për 2 javë do kem pasaportën e re dhe kartën e re të identitetit. I ftoj të gjithë qytetarët, shfrytëzoni këtë kohë sa ka rënë fluksi, mos prisni që të vijë fundi i vitit, kur të dalin jashtë përdorimit, por fare mirë mund t’i nxirrni jashtë përdorimit tani dhe të shfrytëzojmë këtë hapësirë për të bërë rinovimin e kartës, edhe të pasaportës.
Duke qenë se fluksi i madh i marrjes së pasaportave ka filluar në vitin 2009, atëherë edhe fluksi i madh i skadimit të pasaportave dhe kartës së identitetit, është viti 2019, kështu që besoj se ashtu si puna ime ka edhe shumë qytetarë. Ftesa ime është: mos prisni deri në fundin e vitit, mos prisni derisa ta keni me ngut për një udhëtim që ju vjen pas pak ditësh, por shfrytëzoni këtë kohë të verës”, tha Veliaj.
