Inter arrin akordin me Sanchez, pritet edhe Vidal. Ja formacioni që ‘tmerron’ Juven

Interi vazhdon përpara, me bindje dhe ven dosmëri. Aleksis Sançez tashmë është realisht shumë pranë rikthimit në Itali, në ambientet zikaltër filtron optimizëm dhe ekziston dëshira për të mbyllur me sukses brenda 24 orëve të ardhshme. Ndërsa dy klubet po punojnë mbi hipotezën e një huazimi gratis, dhe jo me pagesë siç ishte menduar gjatë ditëve të kaluara, me të drejtë blerjeje; anglezët e vlerësojnë 20 milionë, ndërsa Interi mund të vendosë në tavolinë 15 milionët e mbledhur për Edin Xhekon.

Pasditen e djeshme drejtuesit e Junajtidit janë takuar me përfaqësuesit e futbollistit. Udhëtimi i Sançezit drejt Italisë parashikohet për ditën e nesërme, kur 30-vjeçari do të kryejë vizitat mjekësore burokratike. Ndërsa akordi me lojtarin është arritur, administratori Xhuzepe Marota ka komunikuar me menaxherin Fernando Feliçeviç, duke marrë miratimin e kilianit për uljen e pagës që përfiton aktualisht me Mançester Junajtidin, plot 26 milionë euro në sezon (500 mijë sterlina në javë, një nga më të paguarit në Premier Ligë dhe i dyti vetëm pas Kevin De Brujnes së Mançester Sitit).

Shumë e lartë edhe për xhepat e “Suning”-ut, pavarësisht se investitorët kinezë kishin premtuar të mos kurseheshin në shpenzime. Megjithatë, “djajtë e kuq” parashikohet t’u bëjnë disa lehtësime, duke garantuar mbulimin e një pjese të madhe të rrogës, në mënyrë që marrëveshja të mbyllet pozitivisht dhe të dyja palët të mbeteshin të kënaqura, pasi Sançez aktualisht qëndron jashtë planeve të trajnerit Ole Gunar Solskjaer. Klubi zikaltër do të paguante vetëm 3-4 milionë euro, pra me pak fjalë vetëm 1/4-at. Dhe, si numër, ka prenotuar 7-ën.

LEXO EDHE  Marquez nuk e diskuton titullin, fiton dhe në Aragon, Rossi zhgënjen

EDHE VIDAL – Feliçeviç, ndërkohë, është edhe përfaqësuesi i Arturo Vidalit, mesfushori i Barcelonës, një tjetër element i kërkuar nga Antonio Konte e madje edhe nga Interi dimrin e kaluar. Me trajnerin dhe administratorin Marota njihen nga koha kur kanë bashkëpunuar te Juventusi dhe madje gjatë ditëve të kaluara ka pasur edhe një kontakt mes të dyve ku është arritur një akord verbal.

Trajneri interist e sheh si copëzën perfekte për të plotësuar mungesën në repart. Katalanasit nuk do të bëjnë rezistencë, megjithatë e  vlerësojnë rreth 20 milionë; edhe në këtë rast Marota po arsyeton metodën e huazimit me të drejtë blerjeje. Në këtë mënyrë është shumë e mundur që, duke shfrytëzuar punën e mirë të kryer nga Feliçeviç, Interi të formojë së shpejti dyshen kiliane.

Me shtimin e Aleksis Sançezit dhe Arturo Vidalit në skuadër, Antonio Konte do të kishte dy forca më shumë në sulm, pasi, përveç sulmuesit, edhe mesfushori, falë aftësisë për të gjetur hapësira në mbrojtjen kundërshtare, konsiderohet një rrezik në 16 metrat e fundit.

“Mbreti Artur” do ta përkrahte Nikolo Barelën, duke lënë në stol Marselo Brozoviçin, ndërsa Sançez do vendosej në krah të Lukakut.