Të tjera detaje të rënda janë zbardhur lidhur me trupin e pajetë të gjetur në det nga një anije peshkimi.
Trupi i dekompozuar, i lidhur me natriban, u gjet në një largësi 6 milje në brendësi të detit.
Dyshimet janë që personi, ende i paidentifikuar, është vrarë dhe më pas është hedhur në det.
Kufoma është dërguar në Mjekësinë Ligjore, e cila do të hedhë më shumë dritë mbi ngjarjen horror.
Trupi i pajetë, i gjetur nga anija e peshkimit, “Emiliano” dyshohet se ndodhej në det prej muajsh, ndërsa mësohet se i mungojnë gjymtyrët, duart dhe këmbët.
“Grupi hetimor nën drejtimin e Prokurorisë po vijon punën për sqarimin e rrethanave të ngjarjes”, thotë policia në një njoftim paraprak.
Nuk dihet nëse viktima është sakatuar dhe më pas është hedhur në det, apo dëmtimi i ka ardhur për shkak të qëndrimit për një periudhë disa mujore.
Ndërkohë nga policia e Durrësit mësohet se nuk ka pasur asnjë denoncim në muajt e fundit për zhdukjen apo humbjen e ndonjë qytetari, ndërsa priten informacione nga komisaritet e policive në qytetet e tjera.
Burime policore shprehen se fakti se kufoma u gjet e mbështjellë me qese dhe e lidhur me natriban, konfirmon dyshimin e vrasjes dhe më pas hedhjen e trupit në det.
DENONCO