Një aksident tragjik në provincën Agri të Turqisë i ka marrë jetën dhëndrit, një ditë para dasmës.
Sipas agjencisë së lajmeve DHA, aksidenti ndodhi në distriktin Patnos. Makina që drejtohej nga 32-vjeçari Bayram Tekdemir u përplas me një tjetër automjet që vinte nga drejtimi i kundërt.
Si pasojë e aksidentit humbi jetën Bayram Tekdemir dhe vëllai i tij 3 vjet më i madh. Të plagosur mbetën nipi i tij 5-vjeçar dhe 4 persona që po udhëtonin me mjetin që vinte përballë.
Para përplasjes fatale, Tekdemir mësohet se kishte marrë kostumin e dhëndrit nga rrobaqepësi dhe po shkonte në fshatin e tij, ku kishin organizuar edhe festën e beqarisë.