Gjykata e Vlorës vendosi masën e sigurisë “arrest me burg” për Mihal Kokëdhimën, pronarin e lokalit në Porto Romano, që terrorizoi para 3 ditësh një grup turistësh spanjollë, mes të cilëve fëmijë dhe gra.
Kokëdhima doli para gjykatës me shapka dhe pantallona të shkurtra, ndësa kishte zgjedhur dy avokatë për t’u mbrojtur lidhur me 3 akuzat që janë ngritur mbi të.
Avokatët i tij janë shprehur se vendimin e gjykatës së Vlorës do ta apelojnë.
“Më morën zvarrë me makinë. Ç’është kjo punë nuk kam prekur njeri me dorë. Ku kanë faktet që i preka me dorë. Më rrëzuan në Qeparo, nga makina. Unë nuk e theva xhamin për t’i dëmtuar por për t’u mbajtur.
Unë u mora targën, telefonova policinë. Ata futën marshin të më shtypnin, dhe unë u hodha ne kriskot. Kam dy fëmijë në shkolle në Gjermani. Ne dy muaj punojmë. Më lini të punoj”, tha Kokëdhima.
Avokatët mbrojtës kanë kërkuar masë sigurie më të butë, duke ofruar edhe garanci pasurore deri në 3 mijë euro.
Sipas avokatëve, asnjë nga akuzat nuk qëndron për ta mbajtur prapa hekurave, ndërsa shtojnë se nuk rrezikshmëri shoqërore.
Në fund, gjykata vendosi masën e sigurisë “arrest me burg”.
Kokëdhima akuzohet për “kanosje”, “Dëmtime të tjera me dashje” dhe “Shkatërrimi i pronës”.
https://boldnews.al/2019/08/18/e-kam-mik-ramen-batutat-mes-kokedhimes-dhe-avokateve-harron-kryeministri-se/
