Mihali të rreh vetë, Edi Rama të rreh me policë/ Reagimi epik i analistit…

Analisti Neritan Sejamini ka reaguar përmes një postimi në rrjet lidhur me incidentin e ndodhur mes Mihal Kokëdhimës, pronarit të një lokali në Porto Palermo, dhe një grupi turistësh spanjollë.

Sot Gjykata e Vlorës vendosi masën e sigurisë me burg për Mihalin, lokali i tij u mbyll dhe në derën e tij, ishte lënë roje një polic.

Ngjarja e ndodhur 3 ditë më parë shkaktoi reagime të shumta, humor në rrjet, por edhe qëndrime të ashpra.

Por analisti Sejamini duke bërë një krahasim mes Mihal Kokëdhimës dhe Edi Ramës, shkruan se ata të dy të rrahin po i ngrite zërin. Sejamini shkruan se dallimi i vetëm është se Mihali të rreh vetë, ndërsa Rama të rreh me policë.

LEXO EDHE  ‘Boll talle tr*pin’/ Gazetari shpërthen ndaj sizmiologut grek: Lexo çfarë thonë ekspertët amerikanë

“Mihali i Porto Palermos dhe Edi Rama i Kryeministrisë janë shumë të ngjashëm: Mihali vë çmime trefish për të zhvatur dhe kur ngre zërin dhe kundërshton të rreh; Edi Rama vë çmime trefish për të zhvatur tek unaza dhe kur ngre zërin dhe kundërshton të rreh.

I vetmi ndryshim është se Mihali të rreh vetë, kurse Rama të rreh me policë, të cilët i paguajmë po ne”, shkruan Neritan Sejamini.