Ylli Manjani, ish-ministër i Drejtësisë, ka reaguar përmes një postimi në rrjet lidhur me një pohim të bërë nga Mihal Kokëdhima, i cili në sallën e gjyqit, ku iu vendos masa e sigurisë, gjatë bisedës me avokatët, tha se e ka mik Kryeministrin Edi Rama.
Manjani shkruan se sigurisht që e ka mik, sepse po mos jesh miku i atij nuk merr guximin të suomosh dynjanë.
“Vetëm miqtë e Tij, sulmojnë e dhunojnë sipas qejfit se nuk kanë frikë.
Miq kemi dhe ne të tjerët, por nuk i nxisim të sillen kafshërisht me të tjerët.
Pa dyshim që e ke mik!”, shkruan Manjani.
Postimi i Ylli Manjanit
“E kam mik Edi Ramën”- tha Mihali sot.
Po, sigurisht që e ke mik! Nuk ka nevojë ta përsëritësh. Po nuk qe miku i Tij, nuk merr dot guximit të sulmosh dynjanë.
Vetëm miqtë e Tij, sulmojnë e dhunojnë sipas qejfit se nuk kanë frikë.
Miq kemi dhe ne të tjerët, por nuk i nxisim të sillen kafshërisht me të tjerët.
Pa dyshim që e ke mik!
Dhe je nga ato miqtë që do të duhet të kalosh ca ditë në burg, se edhe Atij i janë shtuar miqtë e duhet tu shesë disa prej jush…