Kryeministri Edi Rama ka postuar sot disa foto nga pastrimet që kanë mndërmarrë punonjësit e bashkive, që deri para 30 qershorit qeveriseshin nga PD dhe LSI. Në Facebook, Rama shkruan se dhe sot ka vijuar puna në Vaun e Djesë, Mat, Selenicë e Përmet, për të hequr papushim zhulin.
Më tej numri një i qeverisë shkruan se të gjitha ta punëtorë që nuk do të bëjnë punën do të largohen nga bashkitë, ndërsa ashton se deri tani askush nuk është hequr nga puna, por pa pasur dorëheqje.
“Vau i Dejës, Përmet, Mat, Selenicë – Vijon papushim heqja e zhulit, plehrave e ferrave nga territoret, ku pas largimit të kryebashkiakëve revolucionarë, punonjësit e pastrimit nuk paguhen më si turistë politikë, për të mbushur radhët e protestave antishtet në Tiranë, po janë kthyer në punën e tyre në shërbim të komuniteteve👍E meqë ra fjala, deri tani askush s’është larguar nga puna në ish-bashkitë e djathta (përveç ca kokave të mëdha e të pagdhendura politike, që kanë ikur me dorëheqje) dhe do të largohet vetëm kush nuk do të dojë t’i futet punës; në 30 qershor Shqipëria nuk votoi për të majtën po për TE DREJTEN dhe unë do të bëj çmos që askujt të mos i mohohet padrejtësisht, e drejta për të treguar se e do dhe e bën si duhet, punën që ka🤝”, shkruan Rama.