Nga Dritan Laci
Shefi i propagandës kafen e mëngjesit e pi nga facebooku.
Edhe sillën e mëngjesit aty ia sjellin.
Aty ha, aty pi, aty shan, aty dhjet, aty edhe vartësve u bërtet.
Pasi i hedh një sy rendimentit te likeve, puna e radhës që bën është kërkimi për ndonjë shkrim të huaj që ti lëvdojë turizmin.
Qe kur ti hapësh sytë të shikosh se c’bukuri ka vendi yt në qeverisjen e Rilindjes.
Për Shefin e madh të Rilindjes, nuk ka rëndësi se 81 për qind e shqiptarëve, sipas Bankës Botërore, nuk kanë para të pushojnë.
Sepse siç ka thënë vetë, atij pushimet ia paguan gruaja.
Shtëpinë ia bëri gruaja. Paratë e rrogës ia mban gruaja.
Shefi i madh i Rilindjes nuk e rruan për viktimat shqiptare të turizmit abuziv.
Sepse ata nuk e meritojnë shkëlqimin e fasadës së Rilindjes.
Shefi i madh i Rilindjes e rruan vetëm për turistët spanjollë.
Edhe këtu në cilësinë e shefit të madh të Propagandës, që kujdeset që imazhi i rremë që ka ndërtuar për turizmin në Shqipëri të mos i dalë jashtë fasadës së mureve të gënjeshtrës që me aq mund ka ngritur.
Shefi i madh i Rilindjes nuk e ka hallin te shqiptarët, se ata i vjedh, i mashtron, i kërcënon, i shantazhon, u hedh një kothere aty ku s’binden e s’blihen, por e ka hallin te kazani i huaj mediatik.
Ato çfarë do të shkruajnë kur turistët spanjollë të kthehen në vendin e tyre dhe të bëjnë share videon.
Një koleg po më thoshte që përtej vulgut që shkaktoi sjellja e një pronari garip në jugun ende gjysmë primitiv të një vendi me çmenduri ende të virgjër homo sapiens, në një tjetër këndvështrim çdo turist i huaj do ta ëndërronte një skenë të tillë e denjë për filma, në atë që ai do ta quante ‘Aventura pellazgjike në bregun e pazbuluar shkëmbor të Evropit’.
Po, është e vërtetë.
Çdo turist do ta kishte ëndërruar një film të tillë për pushimet e tij ekzotike në një vend të pashkelur.
Po, por për sa kohë që është film dhe jo një skenë e rrezikshme që mund të të kthehet fatale për jetën.
Po për shefin e Rilindjes rëndësi ka që nga aty rrjetet sociale, ku ha, pi, dhjet dhe bërtet, çdo gjë shkon për mrekulli.
Kush e pa videon e fundit, drejtuesit e mjetit me turistë mund ta kishin sjellë edhe në Surrel te vila e kryeministrin, pronarin e lokalit që u ishte ngjitur në kofano, dhe askush nuk do ta kishte vënë re rrugës.
Sepse në këtë vend ku kryeministri ha, pi, dhjet dhe bërtet nga rrjetet sociale, askush nuk shikon.
As ai furgoni me policë që kaloi pashqetësuar përbri makinës së shqyer e gjakosur me turistë.
As inspektorët e punës që dje për shkak të korruptimit të tyre u humbën jetën në lule të rinisë majë një skele 10 katëshe, dy te rinjve, qe nuk kishin as kaska në kokë.
As policëve rrugorë, në një vend ku brenda ditës numërohen me dhjetra të lënduar dhe viktima nga aksidentet rrugore.
As, as, as, as etj etj etj
Sepse ne kemi një kryeministër që ha, pi, dhjet dhe bërtet nga rrjetet sociale dhe ky është kthyer në një vend qelbsinhane për të jetuar, ku jeta për një fjalë goje nuk vlen një grosh.
