Tetë të vdekur dhe 10 të plagosur është bilanci i një zjarr rënieje në një hotel mëngjesin e sotëm. Ngjarja ka ndodhur në qytetin Odessa të Ukrainës.
Sipas autoriteteve ukrainase, zjarri ra në hotelin “Tokyo Star” rreth orës 01:30 dhe u deshën tre orë për shuarjen e flakëve. Në operacion u angazhuan 65 punonjës zjarrfikës dhe 13 automjete zjarrfikëse.
Kapaciteti i hotelit që u përfshi nga zjarri është 273 dhoma. Shkaqet e ngjarjes nuk dihen ende, ndërsa hetimet po vijojnë për të zbardhur rastin.
