“Verifikimi shtetëror i të gjitha vetëdeklarimeve të politikanëve e punonjësve të shtetit që kanë firmosur”.
Paralajmërimi është bërë nga Kryeministri Edi Rama, një ditë pasi Valdrin Pjetri, kandidati i Rilindjes për Shkodrën, deklaroi tërheqjen nga procedurat për marrjen zyrtarisht të postit të kryebashkiakut, pasi më parë ishte certifikuar nga gjykata si i tillë, referuar votimeve të 30 qershorit.
“Një kandidat që gënjen në mirëbesim dhe në formularin e vetëdeklarimit s’mund të lerë në baltë zgjedhësit dhe partinë që e ka besuar.
Ai duhet të përjashtohet nga gara pa mundur të regjistrohet në zgjedhje dhe ta marrë të plotë gjithë përgjegjësinë e vetëdeklarimit të rremë.
Jo vetëm kaq, po është koha të nisë verifikimi shtetëror i të gjitha vetëdeklarimeve të politikanëve e punonjësve të shtetit që kanë firmosur.
Çdo vetëdeklarim i rremë duhet të sjellë përjashtim dhe dënim penal. Përgjegjësia individuale s’mund të ketë më asnjë fije kosto kolektive:, shkruan Rama në rrjet.
