“Me të është e vështirë të negociosh, nuk do të ngjitet më në kafaz”

Presidenti i UFC-së, Dana White, ka pranuar se ish-kampionia e botës në peshën “featherweight” (pesha 61-66kg) Cris Cyborg, nuk do të ngjitet më në kafaz. Kreu i arteve marciale mikse mendon se ka qenë një gabim që ai ka lejuar kampionen braziliane të vinte në këtë sport, pasi për të ka qenë gjithnjë i vështirë komunikimi me sportisten dhe stafin e saj.

Në duelin e 27 korrikut, ku Cyborg fitoi me vendim unanim ndaj Felicia Spencer, përfundoi edhe kontrata e brazilianes me UFC-në. Ajo shpreson ta rinovojë atë, por Dana White i ka mbyllur derën. “Të bësh një marrëveshje me të është një makth. Mendoj se ka qenë një eksperiencë e keqe për mua ta sillja atë në kafaz, që ditën e parë”, tha White.

LEXO EDHE  Ish-presidenti i Lega Pro shpërthen kundër Juventusit

Cyborg debutoi në UFC në vitin 2015, ndërkohë që tri vite më parë kishte dalë pozitive. “Ne e bëmë atë një atlete të pastër pas problemeve me dopingun, por ajo nuk e kuptoi kurrë këtë gjë. Ajo këtu u bë e famshme, por asnjëherë nuk ishte e lumtur me asgjë. Të gjithë e dinë këtë gjë, por vetëm unë e di se sa kam vuajtur. Për fat të mirë, ky makth mbaroi. Ajo nuk ka më punë këtu”, tha Dana White.