Një person i dyshuar si autor i plagosjes së gjashtë oficerëve në një shkëmbim zjarri në qytetin amerikan të Philadelphia është vënë në pranga.
Oficerët po shërbenin në një operacion droge në një shtëpi në lagjen Nicetown-Tiago, të Philadelphia kur sulmuesi hapi zjarr.
Rezistenca e aulmuesit ishte e gjatë, derisa policia nxiti personin e armatosur të dorëzohej.
Sulmusi është identifikuar si shtetasi Maurice Hill.
Avokati i të dyshuarit, Shaka Johnson i tha CBS3 se ai ndihmoi policinë të negociojë dorëzimin e Hill.
“Një ekip i ‘Swat’ shpëtoi dy oficerë dhe tre të tjerë që ishin bllokuar brenda shtëpisë me personin e armatosur”, tha policia.
Sulmuesi qëlloi me armë zjarri në kamionin e ekipit Sëat jashtë shtëpisë, ku policia e veshur me jelekë antiplumb u përpoq të fshihej pas makinave duke mos ju kundërpërgjigjur sulmuesit.
Gjatë pushimit prej shtatë orësh, oficerët u përpoqën të komunikojnë me sulmuesin dhe i kërkuan atij të hiqte dorë.
Negociatorët u përpoqën të telefononin në telefonin e të dyshuarit dhe po punonin me një anëtar të familjes dhe avokatin e tij, që ai të dorëzohej.
Një dëshmitare i tha medieve lokale se ajo kishte dëgjuar më shumë se 100 të shtëna me armë dhe njerëz që vraponin në mbrojtje të jetës së tyre.
“Ata na mbanin të sigurt tërë kohën, tërë kohën, ata na mbanin të sigurt,” tha një grua për oficerët.
Presidenti amerikan Donald Trump u informua për të shtënat, tha zëvendës sekretari i shtypit i Shtëpisë së Bardhë, Hogan Gidley.
Incidenti vjen pas dy të shtënave masive – në El Paso, Texas dhe Dayton, Ohio – sollën në fokus të ashpër debatin për kontrollin e armëve në SH.B.A.
