Zëri i Amerikës: Kandidatët me probleme, kosto për Ramën! Pjetri e dinte…

Zëri i Amerikës publikoi një raportim me tone të forta pas publikimit të dokumenteve nga opozita për Valdrin Pjetrin, kandidatin socialist për Bashkinë e Shkodrës. Në raportim thuhet se VOA ka bërë verifikimet e veta dhe rezulton se doumentet që tregojnë se Pjetri ka qenë i dënuar në Itali, janë origjinale.

Jo vetëm kaq, por VOA lëshon kritika ndaj kryeministrit Edi Rama.

Fillimisht thuhet se Pjetri ka qenë në dijeni të këtij fakti, pasi e ka kërkuar certifikatën më 19 korrik, përpara se të nisin denoncimet e opozitës. Ndërkohë më 23 korrik, VOA raporton se Rama i dha një tjetër shenjë besimi dhe mbështetje të fortë duke i besuar drejtimin politik të qarkut të Shkodrës.

“Zoti Pjetri duket se ka qenë në dijeni të faktit se e kaluara e fshehur mund t’i rishfaqej para syve, ndyshe nuk ka si shpjegohet se përse me 19 korrik ai ka kërkuar të marrë certifikat nga autoritetet gjyqësore italiane, ndërkohë që denoncimet publike të opozitës nisën disa ditë më vonë, në fillim të gushtit, ndërsa më 23 korrik ai mori nga kryeministri Rama dhe një tjetër shenjë besimi dhe mbështetje të fortë “për të përmirësuar drejtimin politik në Qarkun e Shkodrës, atë do ta drejtojë kryetari i ri i Bashkisë së Shkodrës”.

Më tej, VOA thekson se kostot e përzgjedhjes së këtyre kandidaturave bien mbi Ramën.

LEXO EDHE  Dosja Babale, ish deputeti Salianji-Pezës: Juve sa herë hapni gojën ju vjen era, jeni të..…

“Pavarësisht distancimit që kryeministri duket se po bën, dhe deklarimit të tij se “kosto veprimesh individuale të dyshuara si ky, as marr më, as lejoj më t’i marrë PS”, ky nuk është rasti i parë, dhe fakti që forca që udhëheq vendin nuk arrin dot të gjejë 61 kandidatë ku askush të mos ketë hije mbi të kaluarën është një kosto që kryeministri vetë, si personi që ka dhënë bekimin për secilin prej tyre, e ka tanimë mbi shpinë,” raporton VOA.