Ish-ministri i Financave në qeverinë socialiste të Fatos Nanos, Arben Malaj, ka reaguar ashpër për modelin e qeverisjes, madje duke u shprehur se në këtë mënyrë qeveriset vetëm në republikat e bananeve.
Ndërsa ka shprehur solidaritet me Erjon Braçen, në akuzat ndaj Veliajt, Malaj shkruan se miliona lekë taksa po shpërdorohen.
“Fatkeqësisht Policia e Shtetit që duhet të mbrojë të drejtat e qytetarëve mbron abuzimet e biznesit dhe të pushtetarëve”, shkruan Malaj.
Postimi i Arben Malaj
Një model që duhet ndjekur nga çdo pushtetar.
Miliona lekë taksa po shpërdorohen. Për Veliajn bizneset janë të parat dhe qytetarët janë të dorës së dytë. I ka gjobitur dhe penalizuar qindra herë banoret e rrugës Faik Konica. Janë residentë dhe gjobiten e terrorizohen nga policia bashkiake.
Fatkeqësisht Policia e Shtetit që duhet të mbrojë të drejtat e qytetarëve mbron abuzimet e biznesit dhe të pushtetarëve.
Kështu qeveriset vetëm në republikat e bananeve. Duhet të solidarizohemi në protesta paqësore kundër shkeljeve të Veliajve.
