Dje ka ndodhur një ngjarje e rëndë në Shtime. Disa persona kanë shkuar për të grabitur një shtëpi në Shtimë, por plani i tyre ka shkuar keq, pasi ata u ballafaquan me pronarin.
Si pasojë e përleshjes, një nga grabitësit mbeti i vrarë, trupi i të cilit u gjend 300 metra larg shtëpisë, ndërsa pronari mbeti i plagosur, por jashtë rrezikut për jetë.
Indeksonline ka mësuar se identiteti i grabitësit që mbeti i vrarë dje është Fehmi Gashi, i cili jetonte dhe vepronte në Prishtinë.
Gashi madje ishte një fytyrë e njohur jo vetëm për organet e drejtësisë, pasi ai ishte ngarkuar shumë herë për vepra penale, shumica nga to kishin të bënin për lëndë narkotike.