Gazetari Ylli Dylgjeri përmes një postimi në rrjet komenton reagimin e Robert Hand, këshilltarit të Komitetit të Komisionit Amerikan të Helsinkit, lidhur me emërimin e Gent Cakaj si ministër i Jashtëm.
“Pas pakënaqësive të shprehura nëpër korridoret diplomatike në Bruksel, Uashington dhe këtu në Tiranë, zoti Hand është zyrtari i parë i huaj që emërimin me “dhunë” të Gent Cakajt në krye të punëve të Jashtme të Shqipërisë e sheh si një hap jo vetëm prapa, por edhe si një rrezik që Shqipërisë ti hiqet kryesimi i OSBE-së, gjatë vitit tjetër”, shkruan Dylgjeri.
Postimi i Ylli Dylgjerit
Diplomaci
Ja çtha kushëriri im për Gent Cakajn:
Në intervistën e këshilltarit të Komitetit të Komisionit Amerikan të Helsinkit, Robert Hand (të dhënë dje për Zërin e Amerikës), përveç shqetësimit të madh për sjelljen dhe veprimet e papranueshme të qeverisë dhe kryeministrit me rastin e kësaj krize politike që ai e krahason me vitet 90-të në Shqipëri, ngrihet alarmi edhe për zgjedhjen e papërgjegjshme që Edi Rama ka bërë me të emëruarin në krye të ministrisë së Jashtme.
Pas pakënaqësive të shprehura nëpër korridoret diplomatike në Bruksel, Uashington dhe këtu në Tiranë, zoti Hand është zyrtari i parë i huaj që emërimin me “dhunë” të Gent Cakajt në krye të punëve të Jashtme të Shqipërisë e sheh si një hap jo vetëm prapa, por edhe si një rrezik që Shqipërisë ti hiqet kryesimi i OSBE-së, gjatë vitit tjetër.