Ish-Kryeministri Sali Berisha ka publikuar denoncimin e një punonjësi të Agjencisë Shtetërore të Kadastrës, sipas të cilit pronat po tjetërsohen kundrejt çmimit prej 5 mijë euro.
“Vjedhje masive, tjetërsime pronash kundrejt ryshfetit prej 5000 euro në ASHK e famozit Lame! Kjo është akuza e nëpunësit dixhital lexoni mesazhin e tij”, shkruan Berisha në rrjet.
Denoncimi
Përshëndetje z. Berisha
Kam një denoncim për të bërë. Institucioni që ju e ngritët me aq mund, ZQRPP, po shkatërrohet dita-ditës, pas bashkimit me Aluizmin duke krijuar ASHK.
Puna e 30 vjetëve është shkatërruar duke tjetërsuar, prona vetëm për 5000 euro (çmim me ofertë), duke punësuar njerëz injorantë që nuk e dinë se çfare belaje është të mbash pronën e një njeriu; kartela pasurie të shkatërruara, z.Artan Lame, i cili abuzon me punonjësit e ish-Hipotekës, madje me ato më të vjetrit, duke i larguar nga vendi i punës që kanë mbi 25 vjet, duke bërë presion, sidomos nga larot që ai ka vënë drejtorë të sektorëve.
I nderuar z.Berisha, ju lutem postojeni, se po bëhet nami.
Nuk e keni idenë se çfarë po ndodh.
Z. Lame dhe sekserët e vet po kërkojnë lekë për vendet e punës.
Ju lutem z. Berisha postojeni këtë denoncim, se po na lënë kalamajtë pa bukë, kemi bërë karrierë në atë vend pune dhe nuk kemi qënë asnjëherë matrapazë të ndyrë si Lamja .
Ju lutem zoti Berisha, anonim ju lutem, se pastaj fillojnë presionet, se pak po na bëjnë.”
