Të tjera detaje janë zbardhur nga atentati që iu bë mbrëmjen e djeshme 47-vjeçarit Laver Tozaj, në Selenicë të Vlorës.
Burime bëjnë me dije se ekzekutori ose ekzekutorët e kanë marrë në telefon përpara ngjarjes, i kanë thënë të dalë nga shtëpia dhe më pas përpara shtëpisë e ka goditur me pistoletë.
Dyshimet e para janë që e ka marrë një njeri që e njeh atë mirë por edhe zonën, raporton Faxnews.
Banorët e fshatit gjithashtu konfirmojnë se Lazaj nuk ka qenë problematik, itenerari më i gjatë që viktima bënte çdo ditë ishte nga shtëpia drejt lokalit dhe kthehej përsëri pas.
Për ngjarjen bëhej me dije se janë marrë në pyetje rreth 20 persona, mes tyre dhe familjarë të viktimës, banorë të fshatit dhe persona me të cilët Lazaj ka pasur ndonjë konflikt të mundshëm.
Nga të dhënat që ata kanë deklaruar bëhet me dije se viktima nuk ka pasur asnjë konflikt në fshatin ku ai jetonte.
Ende nuk është bërë i mundur identifikimi i autorit të ngjarjes, ndërsa dyshimet e para janë që në atentat të ketë marrë pjesë vetëm një person, që ka pasur njohje me viktimën.
Kjo pasi ai është larguar me shpejtësi nga vendi i ngjarjes, dhe viktima është qëlluar nga afër.
Plagët në trupin e viktimës kanë qenë të thella çka vërteton dhe afërsinë e goditjes. Ka pasur 7 gezhoja ne vendngjarje por 3 gëzhoja e kanë kapur në trup, dy në trup një në kokë. /Faxnews/
