Kryeministri Edi Rama mëngjesin e sotëm njoftoi se aksionit informalitet nuk i ka shpëtuar as një miku i tij, Ylli i famshëm i peshkut në Tiranë. Bëhet fjalë për Ylli Hidrin, që pak ditë më parë Rama i bënte reklamë në rrjet, dhe sot u gjobit për një kupon tatimor.
Si për të kujtuar atë shprehjen kush të do t’a fut, Rama ka postuar në rrjet komentin si vijon: “Yllin e famshëm të Peshkut në Tiranë, e dua shumë se është punëtor i madh🤗 Po Ligjin e dua edhe më shumë👍 Pranej Yllo, se t’kom ene katunarin tim anej nolt, men për her tjetër me kuponat🤭Ene mos e harro inglizin, që thot “Dy gjona jon t’vdekme për robin n’demokraci, vdekja ene taksat”, shkruan Rama.
Pak më vonë, Ylli i është përgjigjur Ramës butësisht, duke i thënë se vdekjen e dinte, por jo kuponin tatimor.
“Falemnerit Yllo, ne katunarët e Tironës e dum shtetin, dihet ajo punë, por pa shaka, rrofsh që s’mi provokove nervat me ndonjë mesazh allasoj Miqësia miqësi, po llogaria llogari”, shprehet Rama, duke vijuar bashkëbisedimin e Yllin e Peshkut.
