Një ngjarje e rëndë ka ndodhur në Peru, ku një çift të rinjsh humbën jetën në mënyrë tragjike.
Ata ranë aksidentalisht nga një urë 15 metra e lartë, teksa ishin duke u puthur.
Çifti, Maybeth Espinoz dhe Hector Vidal, thuhet se ishin duke u kthyer në shtëpi pasi kishin qenë në një klub nate në Cusco, në jug të Perusë.
Momenti i frikshëm është filmuar nga kamerat dhe është shpërndarë me shpejtësi në rrjetet sociale.
Në video shihet Maybeth, e cila është ulur mbi kangjellat e urës, duke u përqafuar e puthur me Hector-in.
Në një moment ajo humb ekuilibrin dhe rrëzohet, duke marrë me vete edhe të dashurin e saj.
Sipas mediave vendase, çifti i të rinjve ishin alpinistë dhe kishin ardhur në qytetin Cusco për të punuar si udhëzues në guida turistike.
Nuk dihet nëse ata kishin konsumuar pije alk*olike, apo nëse gjithçka ndodhi për shkak të një pakujdesie të momentit.
Grupi hetimor po punon për zbardhjen e plotë të ngjarjes.
