Burri vret bashkëshorten. Ngjarja e rëndë ka ndodhur në Prizren mbrëmjen e së martës.
Lidhur me krimin policia ka ndaluar shtetasin B.V, i datëlindjes 1958.
“Mbrëmë pas orës 23:00 në rrugën “Hysni Morina” në Prizren, fillimisht qendra e thirrjeve në policinë e Kosovës ka pranuar një informacion dhe është raportuar për një plagosje.
Pas ndërhyrjes nga policia dhe emergjenca e Prizrenit, të cilët kanë shkuar menjëherë në vendin e ngjarjes është konstatuar vrasja e një gruaje me armë zjarri.
Policia gjeti në vendin e ngjarjes 15 gëzhoja të kalibrit 9 mm”, thuhet në një njoftim zyrtar.
Me vendim të prokurorit është kontrolluar shtëpia e personit të dyshuar dhe policia ka arritur të gjejë armën e tipit revole ZIG M1, të kalibrit 9 mm si dhe 42 fishekë të kësaj arme.
Dyshohet se me të njëjtën armë i dyshuari ka kryer veprën penale të ‘vrasjes së rëndë’.
