Një tjetër kandidat i Rilindjes në votimet e 30 qershorit duket se do të ketë probleme me ligjin e dekriminalizimit.
Kështu pas Valdrin Pjetrit, që u shpall kryebashkiak i Shkodrës pas votimeve më 30 qershor, një tjetër emër nga rradhët e Rilindjes rezulton me probleme.
Bëhet fjalë për Agim Kajmakun, që kandidoi në Vorë dhe u shpall fitues si kryebashkiak.
Në dokumentin e dekriminalizimit, Kajmaku ka deklaruar se ka emigruar në Greqi ku edhe ka pasur emër tjetër. Ai atje ka mbajtur emrin Jorgo Toro.
Në formular, Kajmaku nuk ka plotësuar të dhëna të tjera, pra nëse ka qeë ose jo i dënuar, ashtu siç kërkohet nga formulari.
Në kushte të tilla, ai mund t’i nënshtrohet verifikimeve, për të parë nëse është ose jo subjekt i ligjit për dekriminalizimin.
Pritet që Prokuroria e Përgjithshme, pas kërkesës që do të paraqesë opozita, të nisë procesin e verifikimit, njëjtë si në rastin e Valdrin Pjetrit.
