OSBE ka tentuar të marrë rolin e negociatorit në zgjidhjen e krizës politike në vend, por duket se ka dështuar.
Kreu republikan Fatmir Mediu, aleat i PD-së, ka zbuluar prapaskenat për uljen në negociata të kreut demokrat Lulzim Basha dhe kreut socialist, Edi Rama, njëherazi, Kryeministër i vendit.
“Ka pasur interes të OSBE OHDIRIT për të facilituar një takim ndërmjet palëve, por ato më parë duhet të binin dakort paraprakisht. Se nuk besoj se do vijë dikush për të ardhur për të shpenzuar kohë kot apo për tu refuzuar. Kemi shkuar me Bashën në Luksemburg dhe si opozitë në Vjenë dhe kemi takuar z. Greminger, i cili ka pasur një kërkesë zyrtare edhe nga z. Meta dhe kemi thënë që jemi dakort për dialog mes pozitës dhe opozitës”, tha Fatmir Mediu për TCH.
Por sipas tij, tentativa ka dështuar, për shkak se Rama ka refuzuar kërkesat e bëra nga dy zyrtarë të OSBE-së.
“Ka një qëndrim të marrë në këshillin e përgjithshem të OSBE nga figura të shquara se zoti Rama se ka pranuar një negocim të tillë nga OSBE. Mesa di unë dhe zoti Rama ka refuzuar kërkesën e zotit Lajcak dhe z. Greminger, por mos të jem abuziv këto janë informacione të cilat nuk janë zyrtare”, u shpreh Mediu, duke shtuar se “ndërkombëtarët duan normalitet politik në Shqipëri nëse se kuptojnë këtë normalitet në Shqipëri se besoj se do bëhen pjesë e maskaradës apo e idiotësisë polike shqiptare. Ne duhet të krijojmë kurs dikutimi normal me njëri-tjetrin pastaj të kemi mundësi për të ofruar. Ka shumë personalitete që janë të gatshëm për të negociauar. Siç janë njerëz që janë marrë me Maqedoninë. Por të paktën të tregojmë përgjegjshmëri minimale”.
