Nga Boldnews.al
Bota e Edi Ramës nuk ndryshon, me ata njerëz di të qeverisë, ata e mbajnë në pushtet, tipat që në zhargonin e përditshëm konsiderohen si çuna të shkathët që të marrin gjak në vetull. Ata që kanë lidhje me trafikantë dhe bëjmë gjithçka për të zhbërë rezultatet zgjedhore në favor të Partisë Socialiste.
Pikërisht në ditën që DASH (Departamenti Amerikan i Shtetit), shpalli non grada ish-kryebashkiakun e Durrësit Vangjush Dako, që i ndalon atij dhe familjes të hyje në SHBA, në qytetin e trazuar bregdetar u konstituua këshilli bashkiak dhe u zgjodh kreu i saj. Një emër i njohur, Ani Dyrmishi, i cili del në përgjimet mes Astrit Avdylajt, një i arrestuar për trafik ndërkombëtar droge dhe kryebashkiakut të kohës Dako.
Prezantimi i tij ishte pompoz, në krah të Elisa Spiropalit, ministreshës së Ramës e cila një ditë pushim nuk po bën, por po i përkushtohet partisë me mish e shpirt, në konstituimin e këshillave bashkiak të 61 bashkive të Rilindjes. Dyrmishaj ka mbajtur poste të rëndësishme, duke drejtuar Hipotekën e Durrësit dhe më pas është emëruar drejtori i Hekurudhës Shqiptare, post që e mban edhe aktualisht.
Ai u largua nga Hipoteka e Durrësit pak pas zgjedhjeve të 2017, kur kryeministri Rama u kërkoi të gjithë drejtorëve të jepnin dorëheqjen. Dyrmishaj ishte pjesë e listës me 101 emra për të cilët sipas Ramës ka pasur ankesa nga qytetarët, por Rama nuk ia harron të mirat, e veçanërisht të ngre e ringre në detyra sidomos nëse në CV-në e tyre kanë të shënuar se dalin në përgjime me trafikantë në fushatën elektorale të vitit 2017, përfliten për korrupsion dhe kanë shoqëri me të fortë që të sigurojnë vota me blerje apo shantazh.
Ai mbeti sërish drejtor, edhe kur emri i tij lakohet nga Astrit Avdylaj dhe del në përgjime si pjesë e dosjes 339. Nga sot e në vijim do të jetë kreu i Këshillit Bashkiak të Durrësit. Por ka edhe më rëndë, që në administratën e re lokale të Rilindjes, ftohen të japin kontribut edhe djem që të therin, të shqyejnë me biçak, vetëm se mund të thuash një fjalë kundër “kllounit” të Bashkisë së Kolonjës, Erion Isai.
Në krye të Njësisë Administrative Qendër në Bashkinë Kolonjë është emëruar Pandi Cunge, drejtuesi i FRESH në këtë qytet. Dy ditë para zgjedhjeve (votimeve moniste) të 30 qershorit, në Ersekë ndodhi një ngjarje e rëndë. Kryetari i FRESSH, Pandi Cunge qëlloi me thikë një 35-vjeçar, Ervis Këndezin, pasi ky i fundit kishte ofenduar në faqen e Facebook-ut, kandidatin e PS në Kolonjë, Erion Isai.
Në atë kohë u tha se pas denoncimit të Këndezit, Cunge po hetohej, por dy ditë më parë këtë djalë që dyshohet se ther me thikë këdo që shan perfaqësuesit e Rilindjes, do e kënë qytetarët e Njësisë Administrative Qendër si kryetar të tyrin.
Nuk është vetëm një “aksident” punësime të tilla nga personazhe të cilët janë përfshirë personalisht në botën e krimit, apo me lidhje me botën e krimit. Kjo është një formë qeverisëse që ka funksionuar dhe po funksionon për gjashtë vitet e fundit.
Në krye të bashkive të vendit janë edhe personazhe të tjerë të cilët kanë të kaluar të arrët dhe pavarësisht ligjit të Dekriminalizimit, përsëri kanë mundur të “pastrohen” nga Partia. Kjo me mbështetjen e pakursyer që vjen nga Prokuroria e Përgjithshme.
Në institucionin qëndror të akuzës është një zyrë e posaçme si “Njësia për dekriminalizimin”, por prej më shumë se një viti nuk ka marrë asnjë nismë për shkarkim apo procedime penale ndaj zyrtarëve të lartë të Partisë Socialiste që dyshohen se kanë fshehur të kaluarën kriminale në formularët e dekriminalizimit.
