Qeveria Rama ka nisur prej disa ditësh një aksion kundër informalitetit, duke goditur bizneset kryesisht, ato që operojnë në zonat turistike, për 1 kupon të paprerë.
Lidhur me aksionin anti-informalitet ka pasur reagime të shumta, ndërsa aktivisti i shoqërisë civile dhe pedagogu i njohur, Erion Kristo, shkruan në rrjet se qeveria vepron me fushata, dhe mbjell terror ndaj bizneseve.
Ai shprehet se edhe lufta kundër pikave të karburanteve është sipërfaqësore, sa kohë që nuk ka një aksion serioz për cilësinë e karburanteve në tregun shqiptar.
Postimi i Erion Kristo
Do ta kisha mbeshtetur kete luften kunder informalitetit, po te ishte serioze. Mua me duket si lufte kunder biznesit, ne muajin e vetem qe biznesi turistik punon.
Perse nuk u kujtuan me heret? Apo mbaruan leket ne arke? Apo mbaroi fushata? Eshte terror me teper se sa lufte.
Marrim aksionin kunder evazionit ne pikat e karburanteve. Nuk eshte serioz. Pse arriti situata deri aty? Si ka mundesi qe dhjetera pika karburanti manipulojne shitjet? A ka pergjegjes? Cfare kane bere kontrolloret? Apo ver gjoba te mbushim arken e zbrazur nga keqqeverisja?
Nese aksioni do ishte serioz, do kontrollohej dhe cilesia e karburanteve. Por jo, per ate nuk kujdeset kush, se ajo na demton vetem neve. Dhe neve jemi asgje per shtetin.
Per mua eshte vetem propagande ne pike te diellit, per te mos thene ne pike te hallit. Shto ligje, shto norma, shto kontrolle dhe situata eshte gjithmone me keq se me pare.
