Në prangat e policisë së Sarandës ka rënë Ylli Kola nga Tepelena pasi 3 ditë më parë i ka vënë flakën një mjeti në Sarandë.
Mësohet se Kola është paguar që t’i djegë makinën biznesmenit, Resul Memës. 25-vjeçari është identifikuar nga kamerat e sigurisë.
Njoftimi i Policisë
Policia zbardh ngjarjen e djegies së automjetit dy ditë më parë. Arrestohet nga policia autori i dyshuar.
Kapet dhe ndalohet edhe një person i shpallur në kërkim për trafikim të narkotikëve.
Specialistët e Krimeve pranë Komisariatit të Policisë Sarandë, pas hetimeve të kryera në lidhje me djegien e automjetit Range Rover në lagjen nr.4, më datë 02.08.2019, kanë bërë të mundur identifikimin dhe kapjen e autorit të dyshuar, shtetasin Y. K., 25 vjeç, banues në fshatin Toç, Tepelenë.
25 vjeçari nga Tepelena dyshohet se për motive të dobëta, i ka vënë zjarrin me lëndë djegëse automjetit në pronësi të shtetasit Q.Gj. Materialet iu referuan Prokurorisë në ngarkim të tij për veprën penale “Shkatërrimi i pronës me zjarr”
