Një shtetas shqiptar është vënë në pranga nga policia italiane pasi në makinën e tij iu gjet 10 kg kokainë me një vlerë prej të paktën 1 milionë eurosh.
Kur e ndaluan, ai iu tha se nga Gjermania po kthehej në Shqipëri.
Kontrolli i makinës zbuloi se nuk kishte asnjë bagazh në makinën e tij ‘ VW Polo’ dhe këtu lindën dyshimet e para të karabinierëve të Veronas.
Më pas i riu shqiptar, emri i të cilit nuk është bërë i ditur, kishte nisur të acarohej, duke shtuar edhe më shumë dyshimet e policisë, që ka bërë shoqërimin e tij bashkë me makinën në kazermë ku u zbulua se kishte fshehur kokainë në makinën e tij.
Droga u gjet e fshehur në sediljen e shoferit dhe të pasagjerit dhe ishte e ndarë në 10 pako nga 1 kilogramë secila dhe e mbështjellë me natriban.
Pas arrestimit të të riut shqiptar, policia italiane ka nisur hetimet për të zbuluar organizatën për të cilën punonte ai.
