Nënkryeministri Erion Braçe nuk duron kritikat e ndjekësve në rrjet, ndërsa ka zgjedhur të fyejë disa prej tyre duke i cilësuar si budallenj.
Një ditë më parë, Braçe reagoi i entuziasmuar pas bllokimit të kompleksit Taiëan, për shkak të mospërdorimit të kuponit tatimor, ndërsa pronar i tij është Besnik Sulaj, një prej biznesmenëve të afërt me kryeministrin Edi Rama, sipas akuzave publike të opozitës.
“Nga sot në Tiranë nuk zgjidhen më gjërat duke i rënë kërkujt në telefon. Kështu që mbyllur kafeneja, mbyllur restoranti në katin e parë, mbyllur restoranti në katin e dytë, mbyllur kazinoja! Mbyllur të gjitha!”, shkruan Braçe në rrjet.
Por komentet e shumta dhe kritikat drejtuar nënkryeministrit, kanë bërë që ky i fundit të humbasë qetësinë.
Ndjekësit e nënkryeministrit në rrjet e konsiderojnë si shoë, ndërsa të tjerë i quajnë hajdutë përfaqësuesit e qeverisë, por Braçe në reagimet e tij ka zgjedhur t’i quajnë budallenj komentuesit, dhe i ka sugjeruar të mësojnë të shkruajnë shqip.