Një super operacion i policisë italiane çoi në pranga 17 shqiptarë të akuzuar për trafik ndërkombëtar droge dhe armëmbajtje.
Operacioni i koduar “Shqiponja e Zezë”, çoi në shkatërrimin e një organizate që trafikonte kokainë nga Holanda drejt Italisë.
Operacioni u zhvillua në Romë, atje ku edhe grupi kriminal shpërndante lëndën narkotike të trafikuar.
Mediat italiane shkruajnë se bazat e forta të tregëtimit ishin në San Basilio dhe Tor Bella Monaca.
Në këtë operacion, janë sekuestruar rreth 200 kilogramë kokainë dhe armë.
