Pjerin Ndreu, ish-deputet i PS-së, i cili pas votimeve të 30 qershorit, pretendon të drejtojë Bashkinë e Lezhës, kërkon nga gjykata çertifikimin e mandatit.
Ashtui si dhe mjaft kolegë të tij të Rilindjes, të cilët po betohen si kryebashkiakë, Ndreu pritet që të zyrtarizojë marrjen e detyrës më 14 gusht.
Por Fran Frrokaj, kryebashkiaku aktual i Lezhës, i ka përcjellë një mesazh, se nuk ka ndërmed t’i lëshojë zyrën kampionit të votave të vjedhura.
Frrokaj shprehet se Ndreu është socialisti më pak i votuar që ka pasur ndonjëherë qyteti i Lezhës.
Reagimi i plotë i Frrokajt:
Pas REFUZIMIT të lezhjanëve, personazhi i përgjimeve, paska dalë në kërkim të mandatit në gjykatë!
E kujtojmë kampionin e përgjimeve, kampionin e votave të vjedhura, kampionin mbështetës dhe pjesë të bandave që shkatërruan Lezhën, kampionin e votave të pavlefshme, socialistin më pak të votuar ndonjëherë në Lezhë, se Kryetar Bashkie të bëjnë ZGJEDHJET E LIRA, TË NDERSHME dhe GARA E BARABARTË. Dikush ti tregojë se në cilën Gjykatë mund ti kërkojë këto të fundit….
