E paprecedentë, ajo se çfarë ka ndodhur gjatë natës së djeshme te Rruga e Kavajës. Katër biznese private janë gdhirë me qepena të salduara duke e bërë fakt të kryer tjetërsimin e pronës, ndërsa pronarët e ligjshëm gjenden në udhëkryq.
Ish-deputetja e partisë Demokratike Orjola Pampuri e cila ka ndjekur nga afër hap pas hapi këtë ngjarje shprehet se ky akti i paprecedentë ka ndodhur me urdhër të prefekturës, e cila duket se ka marrë një tjetër urdhër nga Edi Rama.
Postimi i plotë:
“Me urdher te Prefektes se urdheruar nga Edi Rama dhe oligarket e tij, per zaptimin e pronave publike e private, dje ne mbremje qepenet e dyqaneve te 4 pronareve ne rrugen e Kavajes jane salduar, duke legjitimuar me dhune pervetesimin e prones private nga shteti. Pronaret e ligjshem, e te gjithe ne nuk duhet e nuk do te lejojme te ndodhe nje akt i tille i paprecedente ne nje vend demokratik. Shtetezimi i prones private ndodhte ne komunizem. Prej 30 vitesh ne jetojme ne nje vend demokratik ku e drejta e prones se pronareve te ligjshem eshte primare. Nuk mund te kemi shprese per te hapur negociatat e jo me te jemi ne nje te ardhme anetare te familjes se madhe europiane nese perfshihemi ne skandale te tilla. Edi Rama mos guxo te shkosh me tej me kete akt te paprecedent, rezistences se artisteve, banoreve te unases se re, e te gjithe qytetareve do t’i shtohen edhe keta pronare te ligjshem. Largimi yt tashme eshte emergjence kombetare. Asnje hap pas”, -shkruan Pampuri.
Pak ditë më parë qytetarët treguan dokumentet dhe tapitë e pronës së tyre ndërsa prona sot është gdhirë e tjetërsuar.
