Liga e Kampionëve luajti mbrëmë disa nga ndeshjet e kthimit për turin e dytë, ndërkohë që sot u luajtën ndeshjet e mbetura, ku në fushë zbritën disa skuadra.
Takimi mes AIK-ut dhe Mariborit, ishte me jo pak interes në Shqipëri, duke qenë se skuadra që do të eliminohet, do të jetë kundërshtari i Partizanit, nëse të kuqtë përmbysin Sherif Tiraspolin.
AIK triumfoi me rezultatin 2-1 në kohën e rregullt, por ndeshja shkoi në shtesë, pasi po me të njëjtin rezultat kishte triumfuar edhe Maribori në Slloveni.
Sakaq, Crvena Zvezda edhe pse u mposht me rezultatin 2-1 në transfertën finlandeze ndaj HJK-së u kualifikua pas fitores 3-2 në ndeshjen e parë .
Karabaku mposhti lehtësisht në shtëpi 3-0 irlandezët e Dundalk, duke marrë kualifikimin për në turin pasardhës.
Rosenborgut i cili është mposhtur në takimin e parë ndaj BATE Borisovit me rezultatin 2-1, ia ka dalë të kualifikohet pas triumfit 2-0 .
