Anëtari socialist i KQZ-së, Bledar Skëndëri, tha se shqetësimin kryesor që ka qoftë si qytetar, qoftë si anëtar i KQZ, është pjesëmarrja shumë e ulët në zgjedhje.
Në studion e Report TV, Skendëri tha se ka kryetar bashkish që janë zgjedhur me 10 përqind të votave, që është një shifër shumë e ulët.
Sipas tij, kjo do të thotë se nëse do të kishte kandidatë të tjerë në zgjedhje, këta kryebashkiakë do të ishin humbës. I pyetur për datën 13 Tetor, Skënderi tha se nuk ka proces zgjedhor, pasi për të organizuar një pale zgjedhje duhen të paktën 6 muaj. “Më 13 tetor do të jem me familjen duke ngrënë drekë”, tha Skënderi.
Sipas tij, pjesëmarrja më 30 qershor, ishte 22.9 përqind. Skëndëri tha se në kutitë e votimit ska patur më shumë fletë votimi në kuti, duke e cilësuar këtë si një kauzë të opozitës, por që nuk qëndron. Komisioneri socialist tha se opozita ndërmorri një lëvizje politike jashtë sistemit, duke sugjeruar se palët duhet të gjejnë një zgjidhje afatgjatë, pasi ska kuptim që një kryetar të jetë në zyrë, dhe kryetari tjetër të jetë te dera e bashkisë.
“Duhet një marrëvëshje pa vendosur kushte denigruese, marrëveshje afatgjatë”, tha ai.
