(Ora 12:30) Tensionohet akoma më shumë situata në qytetin e Kavajës ku militantët e dy partive më të mëdha në vend janë përfshirë në një sherr fizik.
Militantët e PD nuk lejojnë hyrjen e kryetarit të ri të bashkisë Redjan Krali. “Bashkia është e popullit, jo e policisë. Ne s’kemi ardhur të vritemi me popullin. Besoj se do e zgjidhim”-tha përfaqësuesi i policisë.
****
(Ora 10:00) Teksa pritet të konstituohet Këshillit Bashkiak i Kavajës, PD ka nisur protestën para ambienteve të bashkisë.
Një protestë e paralajmëruar një ditë më parë, për të kundërshtuar rezultatet e votimeve të 30 qershorit. Bashkia e Kavajës qeverisjet nga Isa Sakja i Partisë Demokratike. Ndërsa Redjan Krali i Partisë Socialiste u shpall fitues si kryebashkiak i Kavajës, në votimet e 30 qershorit.
Vetë Sakja, në një prononcim për gazetarët, u shpreh se “ka votuar 5 përqind e votuesve”. “S’mund ta imagjinoj dot që një qytet të qeveriset nga pesë përqind e votuesve”, u shpreh.
“Rama ik, Rama pir*hu”, poshtë komunizmi”, ishin disa nga thirrjet e protestuesve.
Kryebashkiakët demokratë kanë paralajmëruar se nuk do ti lirojnë zyrat e tyre për tu vendosur aty kryebashiakët e rinj socialistë. Një ditë më parë, një situatë e tensionuar u shënua në Devoll, ku u desh ndërhyrja e forcave speciale të policisë që të shoqëronin në zyrën e kryetarit të bashkisë fituesin e kandidatit të PS në 30 qershor. Ashtu si sot në Kavajë, atje u zhvilluan protesta. /BN/