Të paraburgosurit e burgut “302” në Tiranë janë futur në grevë urie pasi kërkojnë kushte më të mira.
Ata i kanë dërguar një letër drejtuesve të shtetit, përfshirë kryeministrit Rama presidentit Meta si dhe ministres Gjonaj, me 8 kërkesa.
“Po na shkelen të drejtat më themelore të njeriut në të gjitha institucionet IEVP në Shqipëri”, lexohet në letër Aty, pretendohet se drejtësia po vepron me dy standarde, “kryeministria dhe ministrja artikulojnë se nuk mund të dënosh me përgjime dhe pa fakte, kurse ne na gjykojnë pa fakte dhe me përgjime të turpshme”. Po thyhen afatet ligjore dhe po na mbajnë në burg pa kriter, presioni politik ndikon në vendime dhe po abuzohet me përcaktimin “organizatë kriminale, shkruhet në letër.
Në dokument, rreshtohen edhe 8 kërkesa të të paraburgosurve:
- Kërkojmë nga drejtoria e Përgjithshme e Burgjeve të na mundësohet ajrimi si në të gjitha institucionet e tjera perëndimore (IEVP) në Shqipëri.
- Në raste gëzimi familjare apo hidhërimi të na mundësojnë takim shtesë sepse kjo ka kaluar në kompetencë të Drejtorisë së Përgjithshme.
- Të na mundësojnë aktivitete kulturore-sportive.
- Të përmirësohet cilësia e ushqimit me parametra si në sistemin e BE.
- Të na lejohet bombol gazi si në të gjithë IEVP në gjithë Shqipërinë.
- Të përshtatem dhomat e takimit me familjarët si në sisteme të përparuara ,të mos krijojë stres në familje.
- Të eliminohet dhuna psikologjike e fizike nga gardianët duke respektuar konventën e të drejtave të njeriut dhe rekomandimet e Kopenhagës
- Të respektohet rregullojnë e brendshme e burgjeve për sendet e ndaluara, por të mos spekulohet nga drejtuesit e ministrisë dhe drejtorisë së përgjithshme duke veçuar endet e ndaluara nga celulari, sepse kemi të bëjmë me një handikap. Për çdo send të ndaluar merr raport shërbimi në institucion kurse për celularin dënohesh penalisht. /BN/
