Kreu i PD Lulzim Basha është shprehur se, pakica kriminale prej 6% që ka uzurpuar Bashkinë e Devollit do të shporret shumë shpejt, jo vetëm nga kjo bashki por edhe nga Shqipëria.
Basha shtoi se me pushtimin e dhunshëm të bashkisë Rama dhe sozitë e tij në hajdutëri e kriminalitet shkruan fatin e tyre në Devoll.
“Të nderuar qytetarë të bashkisë së Devollit së pari kam kënaqësinë e madhe të ndodhem sërish pranë jush dhe mes jush në këtë manifestim të madh të demokracisë dhe vendosmërisë suaj për të mos pranuar vjedhjen dhe uzurpimin e pushtetit vendor nga banda kriminale në pushtet. Pakica kriminale 6% ka uzurpuar aktualisht në mënyrë hajduteske godinën e bashkisë së Devolit. Shpejt do ta shparrosim këtë pakicë kriminale nga Devolli dhe nga gjithë Shqipëria”, tha Basha.
“Me pushtimin e dhunshëm dhe hajdutesk, me pushtimin e bashkisë, me pushtimin e pushtetit vendor si kriminelë dhe tentativën për ti mbivendosur vullnetit të mbi 94% të qytetarëve të Devollit, vullnetin e kriminelëve, hajdutëve që mezi nxorën 6% të votave në procesin e paligjshëm dhe antikushtetues të 30 qershorit Edi Rama dhe sozitë e tij në hajdutëri dhe kriminalitet kanë shkruar fatin e tyre në Devoll dhe në mbarë vendin. Fati i tyre është fati që pret çdo hajdut dhe kriminel e në veçanti ata që marrin guximin të shkelin Kushtetutën dhe ti mbivendosen vullnetit të qytetarëve. Shporrja me çdo kusht me çdo mjet, me çdo formë”, shtoi kryedemokrati.
