Një 30-vjeçar shqiptar u arrestua nga policie greke në Gerakas (Atika Verilindore) me akuzën e grabitjeve dhe armëmbajtje pa leje.
Sipas policisë, autori kryente në mënyrë sistematike vjedhje në lokale të lojërave të fatit, mini tregje dhe kioska për dy muaj, kryesisht në veri-lindje të Atikës.
30-vjeçari hynte në dyqane i maskuar dhe kërcënonte me thikë ose pistoletë punonjësit, duke realizuar më pas grabitjet.
Në posedimin e tij u gjetën dhe konfiskuan, 1 pistoletë 9 mm, 1 veturë dhe veshje. Deri më tani, gjashtë raste të grabitjeve dhe një grabitje në tentativë janë zbuluar ndaj tij.
Personi i arrestuar u dërgua në Prokurorinë e Përgjithshme në Athinë.
