Dy shqiptarë janë arrestuar në Greqi, pasi akuzohen se kanë përdhunuar një te re vendase, raportuan këtë të martë mediat lokale.
Vajza 26-vjeçe ka denoncuar në polici se është dhunuar seksualisht në shtëpinë e saj në Folegandros. Për aktin, ajo akuzon dy burra të moshës 26 dhe 28 vjeç nga Shqipëria, që punojnë në ishull.
Sipas televizionit ANT1, vajza mbante lidhje me 28-vjeçarin, i cili punon dhe jeton në ishull për vite me radhë. Disa ditë më parë, ajo ka kërkuar shkëputjen e marrëdhënies me të, siç pretendon 26-vjeçarja. Po sipas dëshmisë së 26-vjeçares, të dielën në mbrëmje, ish-partneri me një tjetër e dhunuan brenda shtëpisë së saj.
Vajza raportohet se u paraqit te autoriteteve me fryrje në qafë dhe trup ndërsa dy të arrestuarit u dërguan në Prokurorinë Publike të Naxos të hënën pasdite. /BN/