Gazetari Agim Xhafka ka komentuar përmes një komenti në rrjet përplasjen te Teatri Kombëtar mes policisë dhe mbrojtësve të tij.
“Këta policët i kuptoj kur rrethojnë teatrin. Edhe kur rrahin njerëzit që gjenden atje. Ashtu u ka thënë ministri e kaq.
Ndërsa këta që mbrojnë teatrin nuk i kuptoj fare. S’u hyn gjë në qese edhe po u prish,edhe po mos u prish teatri. Atëhere pse gdhihen atje dhe pse kanë rreth një vit që e mbrojnë atë skenë?”, shkruan Xhafka.
Postimi nga Agim Xhafka
Këta policët i kuptoj kur rrethojnë teatrin. Edhe kur rrahin njerëzit që gjenden atje. Ashtu u ka thënë ministri e kaq.
Ndërsa këta që mbrojnë teatrin nuk i kuptoj fare. S’u hyn gjë në qese edhe po u prish,edhe po mos u prish teatri. Atëhere pse gdhihen atje dhe pse kanë rreth një vit që e mbrojnë atë skenë?
Do i kuptoja në se do ishin OJQ që merrnin financim nga ambasadat,do gjeja shpjegim në se ishin analistë të mediave të qeveriut. Por kësi rojesh pa pagesë e pa interes unë nuk i marr vesh. S’ma rruc dmth.
Siç duket tani vendi ynë po nis të qytetërohet,po organizohet mbi standarte të larta,po rritet në reagim,po progreson realisht.
E këta djem e vajza,burra e gra që vigjëlojnë në atë oborr biblik mbase janë lajmëtarët e parë të civilizimit. Janë si agronomët që po e plugojnë tokën dhe do e mbjellin me farë të re,bio dhe rentabël.
I dua këta qëndrestarë. Që nuk kanë asnjë interes te teatri,por ama shohin te mbrojtja e tij civilizimin e krejt kombit. I dua dhe uroj të shtohen. Do jetë mirë edhe për çdo qeveri. Si antibiotik ndaj flamës…
