Policia australiane ka vënë në pranga në ambientet e një spitali pasi mendohet se po merrte ndihmë mjekësore pas vrasjes të vajzës së tij Sabrina Lekaj.
Petrit Lekaj është shqiptari që jeton familjarisht në Australi I cili pak ditë më parë tronditi opinion publik pasi vrau vajzëbne e tij vetëm sepse kishte shkuar në një festë pa lejen e tij.
Sipas raportimeve të mediave australiane vrasja e vajzës 20-vjeçare nga i ati, ka ndodhur për shkak se kishte dalë me shoqet në party natën. 20-vjeçarja u gjet e vrarë në makinë, ndërsa babai 49-vjeçar ishte pranë saj i lyer me gjak. Policisë iu desh të thyente xhamin e makinës që t’i nxirrte të dy jashtë.
Shoqet e Sabrinës thanë për mediat australiane se vajza kishte shprehur shqetësim se do t’i bërtiste babai kur të shkonte në shtëpi, pasi e kishte kaluar natën duke festuar me to.
Vajza njihej nga shoqet si një studente shumë e talentuar për imazheri mjekësore dhe tepër ambicioze, me nota maksimale. Veç kësaj, ishte dhe një pianiste shumë e zonja.
