Kryeministri Edi Rama, nuk ndalet lidhur me idenë për shembjen e godinës së Teatrit Kombëtar. Madje ai nuk nguron të përdorë edhe personat që nuk jetojnë më, për realizimin e qëllimit të tij.
Së fundmi, Kryeministri ka publikuar një video mbi një intervistë të dhënë vite më parë nga Jusuf Vrioni.
“Ja se sa thjeshtë e çmonton tërë marrëzinë monumentale mbi “vlerat arkitekturore” të ngrehinës së Teatrit Kombëtar, njëri ndër shqiptarët më të sojmë dhe më të ditur; shqiptari erudit që shkëlqeu salloneve mondane të Francës e të Italisë së paraluftës dhe u dergj burgjeve komuniste të pasluftës; ai që siç thoshte Gianni Agnelli “e flet italishten më mirë se unë” dhe që e bëri Kadarenë të lexohet në një frëngjishte mahnitëse për vetë francezët, i paharruari Jusuf Vrioni”, ka shkruar Rama.