Komisioni i Pavarur i Kualifikimit ka shkarkuar nga detyra drejtuesin e Prokurorisë së Përmetit Hysen Keta. Vendimi i mor mëngjesin e kësaj të enjte nga trupi gjykues i përbërë nga gjyqtarët, Xhensila Pine, Suela Zhegu dhe Brunilda Bekteshi.
Sipas relatores, drejtuesi i Prokurorisë Përmet nga hetimi rezultoi me probleme në deklarimin e pasurisë, pamjaftushmërinë e të ardhurve që justitifkojnë pasurinë e vënë prej tij ndër vite.
Ndërtimi i një shtëpie tre katëshe mbi një truall të trashëguar nga i ati, rezultoi problematik për drejtuesin e Prokurorisë së Përmetit Hysen Keta. Komisioni i Pavarur i Kualifikimit vuri në dukje se Inspektorati i Lartë i Deklarimit dhe Kontrollit të Pasurive e Konfliktit të Interesit, kishte arritur në përfundimin se Keta nuk kishte bërë deklarim të saktë dhe kishte disa mos deklarime.
Brunilda Bekteshi, relatorja e çështjes në KPK tha se edhe hetimet e Komisionit ishin vërejtur një sërë problemesh në pasurinë e prokurorit. Keta sipas relatimit nuk kishte sjellë dokumentacion provues për të ardhurat e tij si avokat në vitet 90’, kishte mungesë burimesh të ligjshme për disa nga pasuritë dhe disa pasaktësi e mos deklarime në vite.
KPK bëri me dije se ai ishte hetuar në të tre kriteret. Komisioni kishte rrëzuar më herët me vendim të ndërmjetëm një kërkesë të tijën për të bërë ekspertizë të pavarur për kostot e dy ndërtimeve, një shtëpie tre katëshe dhe një shtese mbi një shtëpi të ndërtuar në vitet 60’. G
Keta foli pak në mbrojtje të tij. Ai tha se tatimet nuk kishin kthyer përgjigje sa i përket aktivitetit të tij si person fizik në vitet 90’, por tha se mbante mend edhe zyrën dhe personin tek i cili kishte derdhur detyrimet. Ai tha se ishte dakord me gjetjet e KPK-së dhe se parashtrimet e tij i kishte paraqitur me shkrim.
Hysen Keta, është drejtues i komanduar i Prokurorisë së Përmetit dhe po hetohet nga një trupë e kryesuar nga Xhensila Pine, me relatore Brunilda Bekteshi dhe anëtare Suela Zhegu.