Shpërthimi i një transformatori ka shkaktuar plagosjen e disa personave.
Nga raportimet e para mësohet se janë plagosur tre punonjës të objektit në ndërtim e sipër. Ata janë transportuar drejt spitalit.
Transformatori që ka shpërthyer është në Tiranë-Durrës. Policia në vendin e ngjarjes, nuk lejon të afrohet askush.
Njoftimi i policisë
Rreth orës 12.00, në autostradën Tiranë – Durrës në afërsi të një objekti në rekonstruksion si pasojë e një shkëndie elektrike ka shpërthyer një transformator elektrik.
Si pasojë e shpërthimit kanë mbetur të dëmtuar 3 punonjës e këtij objekti shtetasit GJ. S, S. Ç dhe F. Ç të cilët u dërguan në spital për ndihmë mjeksore.
Grupi hetimor ndodhet në vendngjarje dhe po vijon punën për sqarimin e metejshëm të rrethanave të ngjarjes.
Njoftimi i OST-së
Për shkak të punimeve të kompanisë “4AM”, në autostradë, ku dy punëtorë të kësaj firme kanë shkurtuar distancën me linjën 110 kV të OST, çka ka shkaktuar masë, ka mbetur për disa minuta i stakuar NST Kashar.
Ky defekt la pa energji bizneset përgjatë autostradës, zona e Kamzës, Vora dhe Mëzez.
Grupi i punës së avarisë së OSHEE mori masa për furnizimin menjëherë të nstacionit me linjën rezervë dhe aktualisht kanë marrë energji të gjithë zonat e lartpërmendura.
.
