Tre banorë të Unazës së Re janë arrestuar para Gjykatës e Tiranës, dhoma penale, e cila ndodhet pranë Krimeve të Rënda.
Nga të dhënat e para mësohet se banorë të Unazës së re janë mbledhur para gjykatës për të kërkuar lirimin e të arrestuarve nga protesta e fundit.
Në një moment, sipas qytetarëve, disa civilë i kanë provokuar banorët e Unazës së Re, çka ka çuar në një situatë kaotike, që është pasuar me ndërhyrjen e forcave të shumta të policisë.
Mësohet se policia ka ndaluar tre persona, njëri prej të cilëve në gjendje jo të mirë shëndetësore.
Skënder Doda dhe Shpëtim Billa janë dy nga tre banorët e ndaluar nga policia.
