Tre inspektorë të IMT të bashkisë Bulqizë janë proceduar penalisht, pasi akuzohen se kanë shpërdoruar detyrën duke lejuar zaptimin e hapësirave publike.
Tre Inspektorët e Inspektoratit të Mbrojtjes së Territorit të proceduar janë:
- B.Ç, 25 vjeç, banues në Bulqizë, me detyrë Kryeinspektor i IMT, bashkia Bulqizë;
- A.T, 42 vjeç, banues në Bulqizë, me detyrë Inspektor në IMT bashkia Bulqizë;
- E.A, 24 vjeç, banues në Bulqizë, me detyrë Inspektor në IMT bashkia Bulqizë.
“Këta shtetas në neglizhencë të kryerjes së detyrave si punonjës shtetërorë nuk kanë kryer me dashje marrjen e masave ligjore për prishjen e ndërtimeve të kundërligjshme ndaj subjekteve që kanë zaptuar hapësirat publike të bashkisë Bulqizë”, bënë me dije burime zyrtare nga Policia e Dibrës.
Materialet në ngarkim të tyre, i kaluan nga Policia, Prokurorisë pranë Gjykatës së Shkallës së Parë Dibër për veprën penale “Shpërdorim detyre” kryer në bashkëpunim.
Masat erdhën pas kontrolleve në zonën e Bulqizës nga efektivët e seksionit për Hetimin e Krimit Ekonomik e Financiar në Drejtorinë Vendore të Policisë Dibër. /BN/
