Sërish tensionet te Teatri Kombëtar.
Për disa momente është zhvilluar një përplasje fizike mes efektivëve të policisë nga njëra anë dhe artistëve e qytetarëve nga ana tjetër, që protestojnë kundër shembjes së Teatrit. Një grup qytetaresh u përpoqën të çajnë kordonin policor për të hyrë në sheshin para Teatrit. Në ketë moment ndërhyri FNSH.
Policia ka rrethuar hapësirën përreth Teatrit, që parashikohet të shembet sipas ligjit të martuar në Kuvend nga mazhoranca.
https://www.facebook.com/partiademokratike/videos/319640715424023/
Ndërkohë, opozita ka shprehur mbështetje për Artistët. Ish-deputetë të opozitës kanë qenë pjesë e protestuesve që janë vendosur te Teatrit Kombëtar.
Edhe Presidenti Ilir Meta ka mbajtur të njëjtin qëndrim. Më herët gjatë ditës së sotme, Meta dorëzoi sot pranë gjykatës Kushtetuese kërkesën për shpalljen antikushtetuese të ligjit për shembjen e Teatrit Kombëtar, edhe pse Gjykata Kushtetuese është tërësisht jashtë funksionit të saj dhe prej 16-muajsh.
https://www.facebook.com/mbroteatrin/videos/397756357530144/
Ditët e fundit, protesta e artistëve kanë qenë të zgjatuara, madje ata kanë qëndruar edhe natën pranë Teatrit, pasi nga ana e autoriteteve nisi zbrazja e godinës. /BN/
